ᓴᖅᑭᖅᑕᐅᕕᖓᑕ ᐅᓪᓗᖓ: ᓯᐱᕆ 29, 2017

ᖃᓄᐃᓕᐅᕈᑕᐅᓂᐊᖅᑐᖅ: ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐊᕐᕌᒍᑕᒫᕐᓯᐅᒻᒥᑦ ᑲᑎᒪᕕᔾᔪᐊᕐᓂᕆᓂᐊᖅᑕᖓ ᓄᓇᓕᓐᓂᑦ ᓂᕆᕕᔾᔪᐊᑎᑦᑎᓂᕆᓂᐊᖅᑕᖓᓪᓗ ᐃᖃᓗᓐᓂ

ᖃᖓ, ᖃᑦᑎᒨᖅᑎᓪᓗᒍ ᓇᒥᐅᓂᐊᕐᒪᖔᕐᓗ ᑲᑎᒪᕕᔾᔪᐊᕐᓂᖓᑦ: ᐅᑐᐱᕆ 3, 2017, 9ᒥ ᐅᓪᓛᒃᑯᑦ, ᕗᕉᐱᓴ ᑐᔪᕐᒥᕕᒻᒥ, ᑰᔾᔨᓯ ᑲᑎᒪᕕᒻᒥ

ᖃᖓ, ᖃᑦᑎᒨᖅᑎᓪᓗᒍ ᓇᒥᐅᓂᐊᕐᒪᖔᕐᓗ ᓂᕆᕕᔾᔪᐊᑎᑦᑎᓂᖅ: ᐅᑐᐱᕆ 3, 2017, 6ᒥ ᐅᓐᓄᒃᑯᑦ, ᐃᓄᒃᓱᒃ ᐃᓕᓐᓂᐊᕐᕕᐊᓗᒻᒥ 

ᖃᖓ, ᖃᑦᑎᒨᖅᑎᓪᓗᒍ ᓇᒥᐅᓂᐊᕐᒪᖔᕐᓗ ᑲᑐᔾᔨᖃᑎᒌᒃᑯᑦ ᑲᑎᒪᔨᖏᑕ ᑲᑎᒪᓂᖓᑦ: ᐅᑐᐱᕆ 3, 2017, 1:30ᒥ ᐅᓐᓄᓴᒃᑯᑦ ᐅᑐᐱᕆ 5ᒧᑦ, 5ᒧᑦ ᐅᓐᓄᓴᒃᑯᑦ, ᕗᕉᐱᓴ ᑐᔪᕐᒥᕕᒻᒥ, ᑰᔾᔨᓯ ᑲᑎᒪᕕᒻᒥ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᑲᑐᔾᔨᖃᑎᒌᖏᑦ) ᐊᕐᕌᒍᑕᒫᕐᓯᐅᒻᒥᑦ ᑲᑎᒪᕕᔾᔪᐊᓛᕐᖓᑕ (ᑲᑎᒪᕕᔾᔪᐊᕐᓂᖅ) ᐃᖃᓗᓐᓂ. ᑲᑎᒪᕕᔪᐊᓚᐅᖅᑎᓪᓗᒋᑦ ᓂᕆᕕᔾᔪᐊᑎᑦᑎᓛᕐᒥᔪᑦ ᐃᓄᒃᓱᒃ ᐃᓕᓐᓂᐊᕐᕕᐊᓗᒻᒥ ᓂᔾᔭᐅᓯᔭᓛᕆᓪᓗᑎᒃ ᐅᕙᒍᑦ ᓂᔾᔭᐅᓯᔭᖅᑏᑦ.

ᑲᑎᒪᔾᔪᑎᔅᓴᖏᓐᓂ ᑕᒫᓂ ᐊᕐᕌᒍᒥ ᑲᑎᒪᕕᔾᔪᐊᓂᕐᒥ ᑲᑎᒪᒍᑎᖃᓛᕐᒥᔪᑦ ᓄᑖᓂᑦ ᑲᑐᔾᔨᖃᑎᒌᒃᑯᑦ ᐃᑲᔫᑎᓪᓗᐊᑕᕆᖃᑦᑕᓂᐊᖅᑕᖏᓐᓂᒃ. ᑐᑭᓯᒋᐊᕐᕕᖃᖃᑦᑕᓚᐅᖅᑎᓪᓗᒋᑦ ᐃᓘᓐᓇᖏᓐᓂᒃ 13ᓂᑦ ᕿᑭᖅᑕᓂ ᓄᓇᓕᓐᓂᑦ ᐅᐱᕐᖔᖑᔪᔪᖅ, ᑲᑐᔾᔨᖃᑎᒌᒃᑯᑦ ᓂᕈᐊᔪᔪᑦ ᐸᐃᕆᕕᓕᕆᓂᕐᒥᒃ ᐊᒻᒪᓗ ᓱᕈᓯᓛᕐᓂᑦ ᐃᓕᓐᓂᐊᑎᑦᑎᖃᑦᑕᓂᕐᒥᒃ ᐊᒻᒪᓗ ᐃᓕᖅᑯᓯᓕᕆᓂᕐᒥᒃ ᑖᒃᑯᐊ ᑲᒪᒋᔭᐅᓪᓗᐊᑕᕐᓂᐊᖅᑐᑎᒃ ᓄᑖᓂᑦ ᐃᑲᔫᑎᒋᕙᑦᑕᖏᓐᓂᒃ. ᑲᑐᔾᔨᖃᑎᒌᒃᑯᑦ ᐃᖅᑲᓇᐃᔭᖅᑎᖏᑦ ᐃᖅᑲᓇᐃᔮᖃᕐᐸᑦᑐᑦ ᐃᑲᔫᑎᓄᑦ ᑐᔅᓯᕋᐅᑕᐅᕙᑦᑐᓂᑦ ᒪᓕᑦᑐᒋᑦ ᑖᒃᑯᐊ ᑲᒪᒋᔭᐅᕙᑦᑐᑦ.

ᑲᑎᒪᔩᑦ ᕿᒥᕐᕈᓛᖅᑐᑦ ᐃᑲᔫᑎᓄᑦ ᑐᔅᓯᕋᐅᑎᓂᑦ ᑎᑎᕋᖅᑕᐅᓯᒪᔪᓂᑦ ᐃᖅᑲᓇᐃᔭᖅᑎᓄᑦ ᐊᒻᒪᓗ ᓂᕈᐊᓛᖅᑐᑎᒃ ᐱᓕᕆᐊᔅᓴᓂᑦ ᑲᒪᒋᔭᐅᓛᖅᑐᓂᑦ ᑲᔪᓯᑎᑕᐅᓛᖅᑐᓂᓪᓗ ᕿᑭᖅᑕᓂ ᓄᓇᓕᓐᓄᑦ ᐃᓄᓐᓄᑦ.

ᐃᑲᔫᑎᑖᖅᑲᐅᑦ ᐱᒋᐊᕈᑎᖃᕐᓯᒪᔪᑦ ᓄᑖᓂᑦ ᑮᓇᐅᔭᓄᑦ ᐃᓯᕐᐸᑦᑐᓄᑦ ᐊᑐᐊᒐᕐᓂᑦ ᑖᒃᑯᐊ ᐋᖅᑮᒍᑕᐅᓯᒪᔪᑦ ᑭᖑᕚᔅᓴᑎᓐᓄᑦ ᑐᕌᖓᔪᓂᑦ ᑐᖅᑯᖅᑕᐅᕙᓪᓕᐊᓂᐊᖅᑐᓂᑦ ᑮᓇᐅᔭᓂᑦ ᐊᒻᒪᓗ ᐃᑲᔫᓯᐊᔅᓴᓂᑦ ᑮᓈᐅᔭᓂᑦ.

ᑐᖅᑯᖅᑕᐅᕙᓪᓕᐊᔪᑦ ᑮᓇᐅᔭᑦ ᓄᐊᓴᐃᒍᑕᐅᖃᑦᑕᓂᐊᖅᑐᑦ ᑮᓇᐅᔭᓂᑦ ᐃᓯᕐᐸᓪᓕᐊᔪᓂᑦ ᐃᑲᔫᓯᐊᔅᓴᓄᑦ ᑮᓇᐅᔭᓄᑦ ᑐᕌᖃᑦᑕᓂᐊᖅᑐᑎᒃ ᐊᒥᓱᕈᒃᑲᓐᓂᖃᑦᑕᓂᐊᕐᖓᑕ ᐃᑲᔫᑕᐅᕙᑦᑐᑦ ᐃᓄᓐᓄᑦ. ᐊᕐᕌᒍ, ᑲᑐᔾᔨᖃᑎᒌᒃᑯᑦ ᓂᕆᐅᑦᑐᑦ $1 ᒥᓕᐊᓐᑲᓂᕐᓂᒃ ᑮᓇᐅᔭᖅᑖᑲᓐᓂᓛᕆᐊᔅᓴᖅ ᐃᑲᔫᑎᓄᑦ ᑐᕌᖓᔪᓂᑦ ᕿᑭᖅᑕᓂ ᓄᓇᓕᓐᓄᑦ, ᖁᔭᓐᓇᒦᕈᑎᒋᕙᕗᑦ ᑖᒃᑯᐊ ᑮᓇᐅᔭᐃᑦ.

ᑲᑎᒪᔩᑦ ᑲᑎᒪᓂᖓᑦ ᐃᓄᓕᒫᓄᑦ ᐃᓯᕋᔅᓴᐅᓛᖅᑐᖅ, ᑎᑎᕋᖅᑕᐅᒋᐊᙵᕐᓯᒪᔪᑦ ᑲᑎᒪᔾᔪᑎᔅᓴᐃᑦ ᑕᑯᔭᔅᓴᐅᕗᑦ ᖃᕋᓴᐅᔭᒃᑯᑦ ᐃᑭᐊᖅᑭᕕᑦᑎᓐᓂ.

ᓄᓇᓕᓐᓂᑦ ᓂᕆᕕᔾᔪᐊᑎᑦᑎᓂᕐᒥ ᓂᔾᔭᐅᓯᔭᖅᑐᖃᓛᖅᑐᖅ, ᐃᓄᔅᓯᐅᑎᓂᑦ ᓂᕿᑕᖃᓛᖅᑐᖅ, ᐊᒧᓯᖃᑦᑕᓛᕆᓪᓗᑎᒃ ᓄᕐᓗᒐᔅᓴᓂᑦ ᐸᕐᓚᑎᑦᑎᓛᕆᓪᓗᑎᓪᓗ.

ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ ᐅᓇ:

ᓯᒪ ᓴHᐊ ᓯᐅᕆHᐃ

ᐊᖏᔪᖅᑳᖅ ᑐᓴᐅᒪᖃᑦᑕᐅᑎᓂᕐᒧᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ

szerehi@qia.ca

(867) 975.8413

1.800.667.2742

DCA-17-10-01 Agenda – AGM BOD – Iqaluit – October 2017 (002) ᐃᓄᒃᑎᑐᑦ