ᐊᐅᔭᐅᓕᕐᒥᒻᒪᑦ ᐊᒻᒪᓗ ᐅᓯᑲᑦᑕᖃᑦᑕᕐᓇᓯᓂᐊᓕᕐᒥᒻᒪᑦ.

ᐃᑲᔪᕈᒪᓪᓗᑕ ᕿᑭᖅᑕᓂ ᓄᓇᓕᓐᓂᑦ ᐸᕐᓇᓯᒪᖃᑦᑕᓂᐊᕐᓂᕐᒧᑦ ᐊᐅᔭᖅ ᐊᑐᖃᑦᑕᓂᐊᖅᑕᖏᓐᓂ ᐃᒪᒃᑯᑦ ᑕᒫᓂ ᐊᐅᔭᐅᓂᖓᓂ, ᐹᕕᓐᓛᓐᑯᑦ ᐅᓯᑲᑦᑕᖃᑦᑕᕈᓐᓇᕐᓂᕋᖅᑕᐅᓯᒪᒻᒪᑕ 4.2 ᒥᓕᐊᓐᓂᑦ ᐅᖁᒪᐃᓐᓂᓕᓐᓂᑦ ᓴᕕᕋᔭᔅᓴᓂᑦ ᐊᕐᕌᒍᑕᒫᑦ ᓴᕕᕋᔭᔅᓴᓂᑦ ᕿᙳᐊᓂ ᑕᓯᐅᔭᒃᑰᕐᓗᑎᒃ.

ᐅᓯᑲᑦᑕᖃᑦᑕᓂᐊᖅᑐᑦ ᐃᒪᐅᓂᖓᓂ, ᔪᓚᐃ ᕿᑎᖏᓐᓂ ᐅᑐᐱᕆᐅᑉ ᕿᑎᖏᓐᓄᑦ ᑎᑭᓪᓗᒍ.

ᐅᓯᑲᑦᑕᓇᕐᓂᖓᓂ, ᐹᕕᓐᓛᓐᑯᑦ ᓵᖓᒎᖃᑦᑕᓂᐊᕐᖓᑕ ᒥᑦᑎᒪᑕᓕᐅᑉ 142ᕌᖅᑎᓪᓗᑎᖅᑲᐃ ᑕᒫᓂ ᖃᓂᒋᔭᖓᓂ.

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐹᕕᓐᓛᓐᑯᓪᓗ ᐃᖅᑲᓇᐃᔭᖃᑎᖃᕐᖓᑕ ᐊᖑᓇᓱᑦᑐᓕᕆᔨᒃᑯᓐᓂ ᒫᓐᓇᓕᓴᐅᓂᕐᐹᖑᔫᒥᔪᓂᑦ ᑐᑭᓯᒍᑎᖃᕋᓱᑦᑐᑎᒃ ᑐᑭᓯᐅᒪᔾᔪᑎᒋᓂᐊᖅᑕᖏᓐᓂᒃ ᓄᓇᖓᓐᓂ ᐅᒥᐊᕐᔪᐊᖃᕐᓂᐅᖃᑦᑕᓂᐊᖅᑐᓂᑦ. ᒫᓐᓇ, ᐊᑲᐅᓂᕐᐹᑐᐊᐸᓘᒻᒪᑦ ᑐᑭᓯᒍᑎᔅᓴᓂᑦ ᐱᖃᑦᑕᕆᐊᔅᓴᖅ ᐅᒥᐊᕐᔪᐊᖃᕐᓂᐅᖃᑦᑕᓂᐊᖅᑐᑦ ᒥᔅᓵᓄᑦ ᑖᒃᑯᐊ ᐹᕕᓐᓛᓐᑯᑦ ᖃᕋᓴᐅᔭᒃᑯᑦ ᐃᑭᐊᖅᑭᕕᖓᓐᓂ:  Baffinland.com

• ᐅᑯᐊ ᐊᑐᖃᑦᑕᕆᐊᖃᕐᓂᐊᖅᑕᓯ ᓇᒻᒥᓂᖅ ᑕᑯᔪᒪᒍᔅᓯᐅᒃ
  • ᐅᒥᐊᕐᔪᐊᑦ ᐃᓂᖏᓐᓄᑦ ᑐᕌᕈᑎᓕᐊᕐᓗᓯ, ᓴᖅᑭᕐᓯᐊᕆᓚᐅᕐᓗᒍ ᓄᓇᙳᐊᖅ
  • ᐊᐅᐸᖅᑐᑦ ᑕᕐᓴᓕᐊᕆᓯᒪᔪᑦ ᓴᖅᑭᐊᓂᐊᖅᑐᑦ ᓄᓇᙳᐊᕐᒥ
  • ᐊᖏᓪᓕᑎᒋᐊᕋᔅᓴᖅ ᒪᕐᕈᐊᑎᕐᓗᒍ ᓇᕿᓪᓗᒍ, ᐅᑕᖅᑭᑎᐊᕐᓗᑎᑦ, ᑕᕐᓴᐅᕋᑖᖅᑐᑦ ᑎᒃᑯᖅᑑᑎᕈᕐᓂᐊᖅᑐᑦ
  • ᓇᕿᓪᓗᒍ ᐊᐅᐸᖅᑐᖅ ᑎᒃᑯᖅᑑᑦ ᐊᖏᓪᓕᑎᒋᐊᖅᑲᐅᑎᓪᓗᒍ ᐊᒻᒪᓗ ᐅᒥᐊᕐᔪᐊᖃᕐᓂᐅᖃᑦᑕᓂᐊᖅᑐᑦ ᓴᖅᑭᓂᐊᖅᑐᑦ
  • ᖃᐃᖃᑦᑕᕆᔅᓯ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᓄᓇᓕᓐᓂᑦ ᑐᓴᐅᒪᑎᑦᑎᔨᖓ ᑕᑯᔭᖅᑐᖃᑦᑕᕐᓗᒍ, ᐊᔪᕆᕐᓯᐅᔾᔭᐅᓯᒪᒻᒪᑕ ᖃᓄᖅ ᑖᓐᓇ ᐊᑐᖅᑕᐅᓲᖑᒻᒪᖔᖅ ᐊᑐᖃᑦᑕᕋᔅᓴᖅ ᖃᕋᓴᐅᔭᒃᑯᑦ

ᖃᐅᔨᓴᖃᑦᑕᓂᕐᒧᑦ ᐱᓕᕆᐊᑦ

ᖃᐅᔨᓴᕈᑎᓂᑦ ᐋᖅᑮᓯᒪᔪᖃᕐᒥᒻᒪᑦ ᖃᓄᑎᒋ ᑕᒪᓐᓇ ᓱᕐᕋᐃᕙᓪᓕᐊᒻᒪᖔᖅ ᐅᔭᕋᓐᓂᐊᕐᕕᒃ. ᑖᒃᑯᐊ ᖃᐅᔨᓴᐅᑏᑦ ᐋᖅᑭᓯᒪᔪᑦ ᓴᐳᔾᔨᓂᕐᒧᑦ ᐊᕙᑎᒥᒃ ᓂᕐᔪᑎᓂᓪᓗ.

ᑖᒃᑯᐊ ᖃᐅᔨᓴᐅᑏᑦ  ᐃᓚᓕᐅᔾᔨᓯᒪᔪᑦ ᐃᓗᕕᓕᓐᓂᑦ ᐱᓕᕆᐊᕐᒥ ᑖᓐᓇ ᖃᐅᔨᓴᐅᑕᐅᔪᖅ ᕿᓚᓗᒐᕐᓂᑦ ᑑᒑᓕᓐᓂᑦ ᖃᓄᖅ ᐱᐅᓯᖃᕐᐸᓪᓕᐊᒻᒪᖔᑕ ᐅᓯᑲᑦᑕᖃᑦᑕᖅᑐᑦ ᐱᔾᔪᑎᒋᓪᓗᒋᑦ.

ᕿᓚᓗᒐᕐᓂᑦ ᑑᒑᓕᓐᓂᑦ ᓂᕕᖓᑖᓕᕐᓱᐃᖃᑦᑕᕐᓂᖅ ᐱᓕᕆᐊᖑᒻᒥᔪᖅᑕᐅᖅ ᐊᑐᕈᑕᐅᕙᑦᑐᖅ ᖃᖓᑦᑕᖅᑎᑕᐅᓯᒪᔪᒃᑯᑦ ᓂᕕᖓᑖᓕᕐᓱᕐᓯᒪᔪᑦ ᖃᐅᔨᓴᖅᑕᐅᕙᑦᑐᑎᒃ ᖃᓄᖅ ᐱᐅᓯᖃᕐᐸᓪᓕᐊᒻᒪᖔᑕ ᓂᐱᖃᕐᓂᕆᕙᑦᑕᖓ ᐊᓯᔾᔨᐸᓪᓕᐊᓂᖓᓂ ᐊᕙᑎᖓᓂ.

ᐊᓯᐊᑦᑕᐅᖅ ᖃᐅᔨᓴᕈᑕᐅᒻᒥᔪᖅ ᓄᓘᔮᓕᕆᓂᖅ ᐱᔾᔪᑎᒋᓪᓗᒍ ᐃᒫᓂ ᐆᒪᓂᓖᑦ ᓇᔪᒐᖏᑕᓗ ᐊᕙᑖᓄᑦ ᐊᑑᑎᕙᓪᓕᐊᔪᓂᑦ ᖃᐅᔨᓴᖃᑦᑕᕐᓂᖅ ᖃᓄᑎᒋ ᐊᓯᔾᔨᐸᓪᓕᐊᑎᒋᒻᒪᖔᖅ ᐃᒫᓂ ᓱᕐᕋᐃᓂᖃᕈᓐᓇᑎᓪᓗᒍ ᐃᒪᐅᑉ ᐃᖅᑲᖓᓄᑦ ᐃᖃᓗᓐᓄᓪᓗ.

ᐊᒥᓱᑦ ᑖᒃᑯᐊ ᖃᐅᔨᓴᕈᑕᐅᔪᑦ ᐃᖅᑲᓇᐃᔭᖅᑎᑦᑎᒍᑕᐅᔪᑦ ᓄᓇᓕᓐᓂᑦ ᐃᖅᑲᓇᐃᔭᖅᑎᓂᑦ.

ᐃᖅᑲᓇᐃᔮᑦ ᑕᒪᒃᑯᓂᖓ ᐱᓕᕆᕕᖏᓐᓂ ᐃᓱᕐᕆᐅᑎᑎᑦᑎᔩᑦ ᑕᒪᒃᑯᓄᖓ ᐅᒥᐊᕐᓂᑦ ᐊᖁᑎᓄᑦ ᑎᑭᐅᒪᓪᓗᑎᒃ.

ᑕᒪᒃᑯᓂᖓ ᐃᖅᑲᓇᐃᔮᖅᑖᕈᒪᓐᓂᕈᔅᓯ ᐊᑏ ᐅᖃᕐᕕᖃᖃᑦᑕᕆᔅᓯ ᒥᑦᑎᒪᑕᓕᒻᒥ ᐊᖑᓇᓱᑦᑐᓕᕆᔨᒃᑯᓐᓄᑦ ᐅᕝᕙᓘᓐᓃᑦ ᓄᓇᔅᓯᓐᓂ ᐹᕕᓐᓛᓐᑯᓐᓂ ᓄᓇᓕᓐᓂᑦ ᑐᓴᐅᒪᑎᑦᑎᔨᒋᔭᐅᔪᓄᑦ.

ᓄᓘᔮᓕᕆᓂᕐᒥ ᐆᒪᔪᓕᕆᓂᕐᒧᑦ ᐊᑭᓕᐅᓯᐊᔅᓴᑦ ᑮᓇᐅᔭᑦ

ᐃᓄᐃᑦ ᑕᓪᓕᒪᓂᑦ ᓄᓇᓕᒡᒍᑎᓂᑦ ᓱᕐᕋᑦᑕᐅᒪᔪᓂᑦ ᓄᓘᔮᓕᕆᓂᕐᒧᑦ ᑐᔅᓯᕋᖃᑦᑕᕈᓐᓇᖅᑐᑦ ᑮᓇᐅᔭᓂᑦ ᓄᓘᔮᓕᕆᓂᕐᒥ ᐆᒪᔪᓕᕆᓂᕐᒧᑦ ᐊᑭᓕᐅᓯᐊᔅᓴᓂᑦ ᑮᓇᐅᔭᓂᑦ ᓱᕋᑦᑕᐅᔨᐊᖃᕐᓂᕈᑎᒃ ᐅᕝᕙᓘᓐᓃᑦ ᐊᓐᓇᐃᑎᑕᐅᓐᓂᕈᑎᒃ ᓂᕐᔪᑎᓂᑦ.

ᓄᓘᔮᓕᕆᓂᕐᒥ ᐆᒪᔪᓕᕆᓂᕐᒧᑦ ᐊᑭᓕᐅᓯᐊᔅᓴᑦ ᑮᓇᐅᔭᑦ ᐋᖅᑭᑦᑕᐅᓯᒪᔪᑦ ᐃᓚᒋᔭᐅᓪᓗᓂ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑎᒋᓯᒪᔭᖓᓐᓄᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐊᒻᒪᓗ ᐹᕕᓐᓛᓐ ᓴᕕᕋᔭᔅᓴᓂᑦ ᐅᔭᕋᓐᓂᐊᖅᑎᒃᑯᑦ.

ᑖᒃᑯᐊ $750,000 ᑮᓇᐅᔭᑦ ᐋᖅᑭᑦᑕᐅᓯᒪᔪᑦ ᐊᑭᓕᕐᓱᐃᒍᑕᐅᔪᒫᕐᓂᐊᖅᑐᑎᒃ ᐊᖑᓇᓱᑦᑎᓄᑦ ᓴᓂᕋᔭᒻᒥᐅᓄᑦ, ᐃᒡᓗᓕᒻᒥᐅᓄᑦ, ᐃᒃᐱᐊᕐᔪᒻᒥᐅᓄᑦ, ᑲᖏᖅᑐᒑᐱᒻᒥᐅᓄᑦ ᒥᑦᑎᒪᑕᓕᒻᒥᐅᓄᓪᓗ.

ᑮᓇᐅᔭᑦ ᐋᖅᑭᑦᑕᐅᓯᒪᔪᑦ ᐱᔾᔪᑎᖃᖅᑐᑎᒃ ᐊᕙᑎᓕᕆᓂᕐᒥ ᓱᕐᕋᐃᑎᑦᑎᓯᒪᓂᖓ ᐅᔭᕋᓐᓂᐊᕐᕕᐅᑉ ᕿᑭᖅᑕᓂ ᓄᓇᓕᓐᓂᑦ ᐊᑑᑎᔪᓐᓇᖅᑐᓂᑦ ᐊᖑᓇᓱᑦᑎᓄᑦ.

ᖃᓄᐃᓐᓂᐅᔪᖅ ᐱᓕᕆᓪᓚᑦᑖᕐᓂᖏᓐᓄᑦ ᐅᕝᕙᓘᓐᓃᑦ ᐱᓕᕆᓂᖓᓄᑦ ᐊᑦᑐᐊᔪᒥᒃ ᑕᐃᒪᐃᓚᕿᑉᐸᑦ ᓄᓘᔮᓕᕆᓂᕐᒥ ᐅᔭᕋᓐᓂᐊᕐᕕᒻᒥ.

ᒪᓕᑦᑕᐅᔭᕆᐊᖃᕋᔭᖅᑐᑦ ᐊᒻᒪᓗ ᑐᔅᓯᕋᐅᑏᑦ ᑖᒃᑯᓄᖓ ᑮᓇᐅᔭᓄᑦ ᑕᑯᔭᐅᔪᓐᓇᖅᑐᑦ ᖃᕋᓴᐅᔭᒃᑯᑦ ᐃᑭᐊᖅᑭᕕᑦᑎᓐᓂ.

ᑲᑐᔾᔨᖃᑎᒌᒃᑯᑦ ᐱᒋᐊᖅᑎᑦᑎᑲᓐᓂᓕᕐᒥᔪᑦ ᐅᒥᐊᕐᔪᐊᒃᑯᑦ ᐅᓯᑲᑦᑕᖃᑦᑕᖅᑐᓂᑦ ᖃᐅᔨᓴᖃᑦᑕᓂᕐᒥᒃ, ᐃᑲᔫᑎᖃᕐᓂᐊᕐᖓᑕ ᓄᐊᑦᑎᕙᓪᓕᐊᓂᕐᒥᒃ ᑐᑭᓯᐅᒪᔾᔪᑎᔅᓴᓂᑦ ᒫᓐᓇᓕᓴᐅᓂᕐᐹᓂᑦ ᐊᑑᑎᓂᕆᕙᓪᓕᐊᔭᖏᓐᓂᒃ ᐅᓯᑲᑦᑕᐸᑦᑐᑦ