ᕿᑭᖅᑕᓃᒃᑯᑦ ᓴᖅᑭᑎᑦᑎᔪᑦ $200,000ᑐᖅᑐᓂ ᐃᓕᓐᓂᐊᕐᓂᕐᒧᑦ ᐃᑲᔫᓯᐊᒃᓴᓂ
ᐃᒃᐱᐊᕐᔪᒃ, ᓄᓇᕗᑦ – ᒪᐃ 31, 2017 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓴᖅᑭᑎᑦᑎᓂᐊᖅᑐᑦ ᓄᑖᒥᒃ ᐳᖅᑐᓂᖅᓴᓄᑦ ᐃᓕᓐᓂᐊᕐᓂᕐᒧᑦ ᐃᑲᔫᓯᐊᒃᓴᓂ ᕿᑭᖅᑕᓂ ᐃᓕᓐᓂᐊᖅᑎᓄᑦ.
ᑖᒃᑯᐊ ᑮᓇᐅᔭᐃᑦ ᐊᑐᐃᓐᓇᐅᖃᑦᑕᕐᓂᐊᖅᑐᑦ ᐃᓕᓐᓂᐊᕆᐊᒃᑲᓐᓂᕐᓂᐊᖅᑐᑦ ᐳᖅᑐᓂᖅᓴᓄᑦ ᐃᓕᓐᓂᐊᕐᓂᕐᒥ ᒪᓂᒪᓗᓂ 13ᓄᑦ ᓄᓇᓕᖕᓄᑦ ᕿᑭᖅᑕᓂ.
“ᖃᐅᔨᒪᓗᒃᑖᖅᑰᖅᑐᒍᑦ ᐃᓕᓐᓂᐊᕐᓂᖅ ᐱᒻᒪᕆᐅᓕᕐᒪᑦ ᐃᓄᓐᓄᑦ ᐃᓅᓱᒃᑐᓄᑦ ᑲᔪᓯᒍᓐᓇᑦᑎᐊᕐᓂᖏᓐᓄᑦ ᐊᒻᒪ ᒪᑭᑕᑦᑎᐊᕈᓐᓇᕐᓂᖏᓐᓄᓗ − ᐳᖅᑐᓂᖅᓴᒥᑦ ᓇᓗᓇᐃᒃᑯᑕᖃᕐᓂᖅ ᒪᑐᐃᖅᓯᒍᓐᓇᕐᒪᑦ ᐃᖅᑲᓇᐃᔮᒃᓴᑦᑎᐊᕙᓂ ᐊᒻᒪᓗ ᓴᓐᖏᓂᖅᑖᖅᑎᑦᑎᔪᓐᓇᕐᓂᐊᖅᖢᓂ ᑭᖑᕚᖑᓂᐊᖅᑐᑦ ᓯᕗᓕᖅᑎᑦᑎᐊᕙᐅᒍᓐᓇᕐᓂᖏᓐᓂ,” ᐅᖃᖅᑐᖅ ᕿᑭᖅᑕᓃᒃᑯᑦ ᐊᖓᔪᖅᑳᖓ ᐸᐅᓗᓯ ᐊᕿᐊᕈᖅ.
“ᑐᕌᒐᕆᔭᕋ ᐱᓕᕆᓗᖓ ᐊᖏᓪᓕᒋᐊᕐᓗᒋᑦ ᐃᑲᔫᑎᒃᓴᐅᔪᓂ ᐃᓄᖕᓄᑦ ᐃᓕᓐᓂᐊᕆᐊᒃᑲᓐᓂᕈᒪᔪᓄᑦ.”
ᑖᑯᐊ ᓄᑖᑦ ᐃᑲᔫᓯᐊᒃᓴᐃᑦ ᐃᓚᒋᐊᕈᑎᒋᔭᐅᔪᑦ ᕿᑭᖅᑕᓃᒃᑯᑦ ᐃᑲᔫᑎᒋᔭᖓᓄᑦ ᔮᓐ ᐊᒪᕈᐊᓕᒃ ᐃᓕᓐᓂᐊᕐᓂᕐᒧᑦ ᐃᑲᔫᓯᐊᖓᓂ ᐊᑭᖃᖅᑐᒥ $5,000.00ᓂ/ᐊᕐᕌᒍᑕᒫᑦ, ᕿᑭᖅᑕᓃᒃᑯᑦ ᐃᑲᔪᕈᒪᑦᑎᐊᖅᑐᑦ ᐃᓄᖕᓂ ᐃᓅᓱᒃᑐᓂ ᐱᔪᒪᔭᖏᓐᓂᒃ ᑲᔪᓯᑎᑦᑎᒍᓐᓇᕐᓂᕐᒥ.
ᑖᒃᑯᐊ ᓄᑖᖑᔪᑦ ᕿᑭᖅᑕᓃᒃᑯᑦ ᐃᓕᓐᓂᐊᕐᓂᕐᒧᑦ ᐃᑲᔫᓯᐊᑦ ᑐᓴᒐᒃᓴᓕᐊᖑᖅᑲᐅᔪᑦ ᕿᑭᖅᑕᓃᒃᑯᑦ ᑲᑎᒪᓂᖓᓐᓂᑦ.
ᒪᓕᒐᒃᓴᑦ ᐃᑲᔫᓯᐊᖅᑖᕋᓱᒍᒪᔪᓂ ᕿᑭᖅᑕᓃᒃᑯᓐᓂᑦ:
- ᐱᓇᓱᒃᑐᑦ ᓄᓇᕗᑦ ᑐᓐᖓᕕᒃᑯᓐᓂᑦ ᐃᓚᐅᔾᔪᑎᖃᕆᐊᓕᒃ, ᐃᓅᓗᓂ ᐃᓚᒋᔭᐅᖃᑕᐅᓗᓂ ᓄᓇᕗᒥ ᐊᖏᕈᑎᓂ ᕿᑭᖅᑖᓗᖕᒥ
- ᐃᓕᓐᓂᐊᖅᑎᑦ ᐊᑎᓕᐅᖅᓯᒪᒋᐊᖃᖅᑐᑦ ᐳᖅᑐᓂᖅᓴᒥ ᐃᓕᓐᓂᐊᕐᕕᖕᒥ ᐃᓕᓐᓂᐊᕐᕕᒋᓂᐊᖅᑕᒥᓂᑦ
- ᐱᓇᓱᒍᒪᒍᕕᑦ ᖃᐅᔨᒋᐊᕐᓗᒍ: scholarships@qia.ca.
- ᑕᑕᑎᒐᒃᓴᐃᑦ ᐊᑐᐃᓐᓇᐅᓂᐊᖅᑐᑦ ᕿᑭᖅᑕᓃᒃᑯᑦ ᐃᑭᐊᖅᑭᕕᐊᓂ
ᑐᑭᓯᒃᑲᓐᓂᕈᐊᕈᕕᑦ ᖃᐅᔨᒋᐊᕐᕕᒃᓴᖅ:
ᓰᒪ ᓴᕼᐋ ᓯᐊᕋᕼᐃ,
ᑐᑭᒧᐊᖅᑎᑦᑎᔨ ᑐᓴᐅᒪᖃᑦᑕᐅᑎᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
szerehi@qia.ca
(867) 975.8413
1.800.667.2742
2017 – 05 – 31- QIA announces new scholarships (003) INUK