ᐃᒃᐱᐊᕐᔪᒃ, ᓄᓇᕗᑦ – ᒪᐃ 30, 2017 – ᑖᒃᑯᐊ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᖏᕈᑎᖃᖅᑐᑦ $100,000 ᐊᔾᔨᒌᓐᖏᑦᑐᓄᑦ ᓄᓇᓕᖕᓂ ᐱᒋᐊᖅᑎᑕᐅᔪᓄᑦ ᕿᑭᖅᑕᓂ ᑕᓪᓕᒪᐅᓂᐊᖅᑐᓄᑦ ᐊᕐᕌᒍᓄᑦ ᐊᑐᕐᓗᑎᒃ ᐃᑲᔫᑎᓂᒃ ᐊᒻᒪ ᐃᑦᑑᑎᓂᒃ.

ᑖᒃᑯᐊ ᑮᓇᐅᔭᑦ ᐱᒋᐊᕈᑕᐅᓂᐊᖅᑐᑦ ᖃᑦᓯᑲᓪᓚᖕᓄᑦ ᕿᑭᖅᑕᓂ ᓄᓇᓕᐅᔪᓄᑦ ᐃᓚᐅᓗᓂ ᐃᒃᐱᐊᕐᔪᒃ.

“ᑕᐃᒪᓐᓇ ᐱᓕᕆᐊᖑᔪᑦ ᐊᒻᒪ ᐱᒋᐊᖅᑎᑕᐅᔪᑦ ᐃᑲᔫᑎᖕᒪᑕ ᐱᕈᖅᐸᓪᓕᐊᓂᖏᓐᓄᑦ ᓄᓇᓕᐅᔪᑦ ᐊᑕᖃᑎᒌᖕᓂᖏᑦ ᐊᒻᒪ ᐅᐱᒍᓱᓕᖅᐹᓪᓕᒍᑕᐅᓪᓗᑎᒃ ᑭᓇᐅᓂᖏᓐᓂᒃ ᐃᓅᓪᓗᑎᒃ,” ᐅᖃᖅᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦᑕ ᐊᖓᔪᖅᑳᖓᑦ ᐸᐅᓗᓯ ᐊᕿᐊᕈᖅ.

ᑖᒃᑯᐊ ᐊᖏᕈᑕᐅᔪᑦ ᐱᓕᕆᐊᒃᓴᓄᑦ ᐃᓚᖃᖅᑐᑦ:

• $10,000 ᐊᑐᓂ ᐊᕐᕌᒍᓄᑦ ᑕᓪᓕᒪᐅᓂᐊᖅᑐᓄᑦ ᐊᕐᕌᒍᓄᑦ ᓄᓇᕗᒥ ᕿᒧᒃᓯᐅᔾᔪᐊᖅᑐᓄᑦ
• $10,000 ᐊᑐᓂ ᐊᕐᕌᒍᓄᑦ ᑕᓪᓕᒪᐅᓂᐊᖅᑐᓄᑦ ᐊᕐᕌᒍᓄᑦ ᐊᕐᕌᒍᑕᒫᖅ ᐊᕐᕙᒐᓱᐊᕐᓂᕐᒧᑦ ᕿᑭᖅᑕᓂ
• $2,000 ᓄᓇᖃᖅᑳᖅᓯᒪᔪᑦ ᓯᕗᒻᒧᐊᒋᐊᕐᓂᖏᓐᓄᑦ ᐃᑲᔫᑏᑦ ᐃᒃᐱᐊᕐᔪᒃ

“ᓄᓇᕗᒥ ᕿᒧᒃᓯᐅᔾᔪᐊᕐᓂᖅ ᐱᒻᒪᐅᑎᑕᐅᖕᒪᑦ ᐊᕐᕌᒍᑕᒫᑦ ᓴᖅᑭᖃᑦᑕᕐᓂᖓ ᐊᖏᕐᕋᖃᑦᑕᖅᑐᑦ ᓄᓇᓕᖕᓂᑦ, ᓄᓇᓕᖕᓄᑦ,” ᐅᖃᖅᑐᖅ ᓄᐊᒪᓐ ᐸᐅᓗᓯ ᑐᒡᓕᐊ-ᐃᒃᓯᕙᐅᑕᐅᑉ ᐃᒃᐱᐊᕐᔪᖕᒥ ᕿᒧᒃᓯᐅᔾᔪᐊᖅᑐᓕᕆᔩᑦ,”ᑖᓐᓇ ᐃᑲᔫᑕᐅᑦᓯᐊᖅᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐱᐅᖅᓱᐊᕈᑎᒋᔪᓐᓇᕐᓂᐊᖅᑕᕗᑦ ᐊᒻᒪ ᕿᒧᒃᓯᓕᖃᑦᑕᕈᑕᐅᓗᓂ ᓄᓇᕗᒥ.

ᑮᓇᐅᔭᖅᑖᕆᔭᐅᔪᑦ ᓄᓇᕗᒥ ᕿᒧᒃᓯᐅᔾᔪᐊᕐᓂᕐᒧᑦ ᐃᑲᔫᑎᓂᐊᖅᑐᖅ ᐊᒻᒪ ᐋᖅᑭᐅᒪᒍᑕᐅᓗᓂ ᐱᖅᑯᓯᑐᖃᖅᑐᑦ ᕿᒧᒃᓯᖃᑦᑕᕐᓂᖅ, ᐅᖃᐅᓯᐅᓚᐅᖅᓯᒪᔪᖅ ᑖᒃᑯᓇᓂ ᕿᑭᖅᑕᓂ ᑭᒡᓕᓯᓂᐊᖅᑎᐅᑉ ᐅᓂᒃᑳᖏᓐᓂ.

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏ ᐃᖅᑲᓇᐃᔭᖅᑎᖏᑦ ᐱᓕᕆᐊᖃᖅᑐᑦ ᒪᓕᒐᒃᓴᓂᒃ ᑖᒃᑯᐊ ᑮᓇᐅᔭᐃᑦ ᑐᓂᐅᖅᑲᐅᑕᐅᓂᐊᕐᓂᖏᓐᓄᑦ ᐊᕐᕌᒍᑕᒫᑦ ᐊᕐᕙᒐᓱᐊᕐᓂᕐᒧᑦ ᑖᒃᑯᐊ ᐃᓘᓐᓇᑎᒃ ᕿᑭᖅᑕᓂ ᓄᓇᓖᑦ ᐃᓚᐅᑦᓯᐊᖁᓪᓗᒋᑦ ᐊᖑᓇᓱᐊᕐᓂᕐᒧᑦ ᑮᓇᐅᔭᓂᒃ.

ᓄᓇᖃᖅᑳᖅᓯᒪᔪᑦ ᓯᕗᒻᒧᐊᒋᐊᕐᓂᖏᓐᓄᑦ ᐃᑲᔫᑏᑦ ᐃᒃᐱᐊᕐᔪᒃ ᐃᓕᓐᓂᐊᕐᓂᐊᓕᓵᖅᑐᓄᑦ ᐱᓕᒻᒪᒃᓴᐅᑏᑦ ᐃᑲᔫᑎᕙᒃᑐᑦ ᓱᕈᓯᕐᓄᑦ ᐱᕙᓪᓕᐊᑎᑕᐅᓪᓗᑎᒃ ᐊᒻ, ᐃᓕᓐᓂᐊᕐᓂᕐᒧᑦ ᐸᕐᓇᒃᑕᐅᓪᓗᑎᒃ ᐊᓪᓚᓂ, ᐃᓄᖕᓂ ᐊᒻᒪ ᐊᓪᓚᖓᔪᑦ ᕿᑐᓐᖓᖏᓐᓄᑦ.  ᑕᒪᓐᓇ ᐱᒋᐊᖅᑕᐅᔪᖅ ᒪᓕᒃᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦᑕ ᐱᓕᕆᐊᕆᒍᒪᓯᒪᔭᖓᑦ ᐃᓕᓐᓂᐊᕐᓂᐊᓕᓵᖅᑐᓂᒃ ᐱᓕᒻᒪᒃᓴᐃᓂᖅ.

ᑐᑭᓯᒋᐊᕈᑎᖃᒃᑲᓐᓂᕈᒪᒍᕕᑦ ᐅᖃᕐᕕᒋᓗᒍ:

ᓴᐃᒪ ᓴᕼᐋ ᔨᐅᕼᐃ

ᑐᑭᒧᐊᒃᑎᑦᑎᔨ ᑐᓴᖃᑦᑕᐅᑎᓕᕆᓂᕐᒧᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ

867.975.8413 ᐅᕝᕙᓘᓐᓃᑦ 1.800.667.2742

szerehi@qia.ca

2017 – 05 – 30 – QIA approves over $100,000 for community initiativesINUK